ಕುಂದಗೋಳ : ಈಗಾಗಲೇ ಮುಂಗಾರು ಬೀಜ ಭೂಮಿಗೆ ಹಾಕಿ ಮಳೆದೇವನನ್ನು ನೆನೆಸುತ್ತಿದ್ದ ರೈತಾಪಿ ಸಮುದಾಯ ಕೂಗಿಗೆ ಮಳೆರಾಯ ಇಂದು ಅಸ್ತು ಎಂದಿದ್ದಾನೆ.

ಹೌದು ! ಈಗಾಗಲೇ ಬೀತ್ತನೆ ಕೈಗೊಂಡ ರೈತರು ಹಾಗೂ ಬಿತ್ತನೆ ಕೈಗೊಳ್ಳಲಿರುವ ಕುಂದಗೋಳ ತಾಲೂಕಿನ ರೈತಾಪಿ ಸಮೂಹಕ್ಕೆ ಕಳೆದ ಹದಿನೈದು ದಿನಗಳಿಂದ ಸೂಸುತ್ತಿದ್ದ ಬಿರು ಬಿಸಿಲು ಇಂದು ಮಾಯವಾಗಿ ಒಂದು ಗಂಟೆಗೂ ಅಧಿಕ ಕಾಲ ರಭಸದ ಮಳೆ ಸುರಿಯಿತು.

ಈ ಮಳೆಯ ಹೊಡೆತಕ್ಕೆ ಹೊಲಗಳಲ್ಲಿನ ಸರವು ಹಳ್ಳ ಕೊಳ್ಳಗಳು ತುಂಬಿ ಹರಿದರೇ ಬಿತ್ತನೆಗಾಗಿ ಹೊಲಕ್ಕೆ ತೆರಳಿದ ಆಳು ಕಾಳು ಟ್ರ್ಯಾಕ್ಟರ್ ಎತ್ತುಗಳು ಮಧ್ಯಾಹ್ನಕ್ಕೆ ಮನೆಗೆ ಹಿಂದುರುಗಿದರು.

ಒಟ್ಟಾರೆ ಹದ ಭರಿತ ಮುಂಗಾರು ಬಿತ್ತನೆಗೆ ಮಳೆಯನ್ನೇ ಕಾಯುತ್ತಿದ್ದ ರೈತರಿಗೆ ಇಂದು ಸುದಿನ ಎಂದರೇ ತಪ್ಪಾಗಲಾರದು.